Nächste Station: Friedrichstraße, Ausstieg rechts.

Sehr geehrten Damen und Herren,

Fjúff..komið ykkur vel fyrir því miklar líkur eru á að þessi færsla verði í lengra lagi. Helgin er búin að þjóta hjá og á morgun byrjar önnur vikan mín í skólanum. Lífið hérna er eiginlega komið í fastar skorður og Berlín orðin hluti af mínum Alltag (hversdagur). Unter den Linden er hætt að vera eitthvað VOHÓ dæmi og Alexanderplatz orðið nokkuð heimilislegt. Sem er gott því mér líður ekki lengur eins og einum af þessum milljón og einum túrista sem rölta um í stórum hópum...ég bý hérna, auf jedenfalls (a.m.k.) í smástund :) 

Jæja, helgin! Fyrirhugaður næturlífskönnunarleiðangur föstudagskvöldsins datt upp fyrir sökum þreytu allra aðila sem áttu hlut að máli. En hann frestaðist þó bara fram á laugardag. Ég naut þess að sofa aðeins lengur á laugardaginn en hélt síðan út í kuldann og alla leið að Schloss Charlottenburg. Ég hafði aldrei farið svo langt "að heiman" og þurfti að taka U-Bahn í 30 mín með fullt af brjáluðum Werder Bremen og Herthu Berlin (fótboltalið) aðdáendum á leið á Olympia Stadion. Gaman að því.

Schloss Charlottenburg er barokkhöll frá 18. öld og ákvað ég í gær að ef Fasanenstraße verður ekki heimili mitt, þá verður það þessi blessaða höll! Ég gekk á milli herbergja og gat ekki hugsað neitt annað en VÁ og bölvað því að hafa ekki verið prinsessa í Prússlandi. Því miður (sem betur fer?) má ekki taka myndir þarna inni, ég hefði fríkað út með das Fotoapparat (myndavél). Fyrir utan höllina er líka stórglæsilegur garður sem eflaust er miklu fallegri yfir sumartímann en nægði samt til að ég stæði þarna agndofa. Já, það er klárt mál að ég reyni að semja við umsjónarmenn hallarinnar um að fá að búa þarna og leika Sophie Charlotte (drottninguna sem höllin heitir eftir) til að glæða safnið lífi...eða þá að framtíðareiginmaður minn verður nógu ríkur til að byggja handa mér barokkhöll. 

Eftir þessa ánægjulegu heimsókn ákvað ég að halda heim á leið þar sem veðrið var ekki neitt til að hrópa húrra fyrir. Ég var svo vitlaus að ætla að skipta um lest á Hauptbahnhof..ég villtist nú bara þar, en viti menn ég fann búðir! Ég komst þó að lokum heim, nokkrum evrum fátækari. Meira af búðum..alveg síðan ég tók þátt í markaðskönnuninni þarna um daginn hef ég verið að leita að Alexa Kaufhof sem daman sagði mér að væri þarna rétt hjá. Jæja, ég fann þetta aldrei fyrr en í dag og skil eiginlega ekki hvernig þetta gat farið fram hjá mér. Kíkti þarna inn áðan, þetta er RIESENGROß og litli búðabrjálæðingurinn í hjarta mínu hrópaði af kæti á meðan ég fann VISA-kortið skjálfa af hræðslu í töskunni minni. Einhvern daginn áður en ég fer heim mun ég ganga þarna út kát í bragði :)

 

Um kvöldið var stefnan sett á næturlífið svo ég, Marianna, systir hennar og Rússinn héldum af stað út í rigninguna. Ég hélt e-n veginn að Rússinn héti Anton eða e-ð álíka en það er bara ekki rétt. Ég næ ekki nafninu hans en það hljómar eins og orðið Aktien (sem á þýsku þýðir hlutabréf) ;) hehe svo ég ætla bara að kalla hann það hér eftir (a.m.k. á þessum vettvangi). En kvöldið var annars ansi skemmtilegt og óþarfi að hafa fleiri orð um það :)

Í dag hefur fátt markvert gerst. Berliner Halbmarathon (hálfmaraþonið í Berlín) var í dag, svo torgið fyrir framan Rotes Rathaus var undirlagt af sölubásum og alls konar drasli vegna þess. Ég ákvað að taka strunsarann góða á þetta og strunsaði alla leið að Siegesäule sem er já..súla sem er innangeng og voða fallegt útsýni þaðan. Ég ákvað reyndar að geyma það til betri tíma því veðrið bauð ekki upp á tækifæri til að njóta fallegs útsýnis og kostar alveg 1, 50 evrur  að fara þarna upp ;) Gatan sem liggur á milli Brandenburger Tor og Siegesäule var lokuð í dag vegna maraþonsins svo það var einkar áhugavert að labba þarna áðan. Venjulega er brjáluð umferð eftir þessari götu en núna gat ég labbað eftir henni miðri og það eina sem ég þurfti að óttast var að verða fyrir reiðhjóli (sem er alveg möguleiki á hérna, þau eru svo mörg). Ósköp indælt. Síðan strunsaði ég nú bara heim aftur, fékk mér kaffi og hér er ég nú. Heima í leti..enda sunnudagar til þess ætlaðir, sérstaklega þegar veðrið er "à la Ísland". Annars er herbergisfélagi minn væntanleg í dag, fáið fréttir af henni í pistli morgundagsins. Sonst etwas..já hundkvikindið er að gera mig brjálaða. Hoppar alltaf á mann og langar að leika...blöde Hund (heimski hundur), mun ekki sakna hennar svo mikið er víst.

Jájá svona er lífið í Berlín í dag, alltaf sama stuðið hér :)

Bis später,

Lara

p.s. Furðusjón dagsins: Sveiattan ég hef bara ekki séð neitt síðustu daga sem ég get talið furðusjón :/

 

 

Athugasemdir

[Inga (IP-tala skráð) 6.4.2008 kl. 17:23]

það er sama veðrið hér...en var að velta fyrir mér hvort sunnudagar væru jafn heilagir í Deuchland og í Sviss?? Þar var bannað að hengja upp þvott úti eða slá grasið á sunnudögum haha ;P og allir borða sunnudags-fléttubrauðið góða ..mmmm

Já saknaði ykkar í gær, takk fyrir amæliskveðjurnar..

bis später =) 

[Lára (IP-tala skráð) 6.4.2008 kl. 17:31]

nee...a.m.k. varð ég ekki vör við það..samt allar búðir lokaðar og svona..fólk bara úti að hjóla og sitja á kaffihúsi, voða notaleg stemmning

Hefði líka viljað vera með ykkur í gær en maður getur víst ekki verið á tveimur stöðum í einu ;)

[Elín (IP-tala skráð) 6.4.2008 kl. 23:05]

óh guð - Charlottenburg er bara æðipæði - þú hefur nú séð myndir hjá mér hvernig garðurinn lítur út á sumrin. Fannst þér postulínsherbergið ekki klikkað - ég og Hildur stóðum úti á miðju gólfi og þorðum varla að hreyfa okkur.

Verð að fá að heyra djammsögu(r) seinna - ég kommentaði reyndar á færsluna fyrir neðan líka áðan - er ekkert búin að kíkja í tölvu alla helgina. Pjakkur var skíthræddur við kisuna og faldi sig svo vel að konan sem var að passa hann hélt hann hefði sloppið út og stungið af.  

Gott að heyra að það er allt frábært hjá þér - hlakka til að heyra hvort herbergisfélaginn er nokkuð klikkaður!

[Tinna (IP-tala skráð) 7.4.2008 kl. 17:09]

Hæ:) já þetta er æðislegt sem þú ert að sjá, hlakka til að fara til Þýskaland og skoða mig um;) ..förum bara saman í ferð og þú sýnir mér allt:)