Berlin = naße Erde

Guten Abend,

Ach so, dagur 10. hér í borg.  Get ekki sagt að hann hafi verið ánægjulegur hvað varðar veðrið. Tvímælalaust kaldasti dagurinn síðan ég kom, svo kalt að ég þurfti að blikka augunum nokkrum sinnum til að athuga hvort ég væri ekki örugglega stödd í Berlín. Já, bláar hendur hérna á meginlandinu gott fólk! 

Auf jedenfall, skóladagarnir alltaf jafn skemmtilegir og ég læri sífellt eitthvað nýtt. Enn og aftur rætt um peninga og ég alltaf miðpunktur athyglinnar þegar kemur að verðsamanburði. Það er nefnilega mjög spennandi að vita hversu dýrir hlutirnir eru á Íslandi. Í seinni tímanum fengum við fræðslu í Landeskunde (þekkingu á landinu). Það var einkar áhugavert og komst ég meðal annars að því að Berlín þýðir í raun "blaut jörð". Vissuð þið t.d. að múslí var einu sinni heit kornsúpa sem þróaðist í morgunkorn? Þetta lærði ég í skólanum í dag! Já, tungumálanám snýst ekki bara um réttar fallbeygingar og orðaforða heldur einnig um uppruna málsins og fólksins sem það talar. 

Jæja að öðrum spennandi málefnum. Herbergisfélagi minn, sem ég hef beðið með mikilli eftirvæntingu, kom loksins í gær. Hún heitir Manon, er jafngömul mér og kemur frá Sviss (frönskumælandi hlutanum Elín, þess vegna er hún að læra þýsku). Ég er afskaplega ánægð með að hafa loksins almennilegan félagsskap sem nennir að strunsa með mér um borgina. Í dag gat ég verið algjör besservisser og sagt henni frá öllu sem ég var búin að skoða..voða gaman að vera klár :) Allavega, sökum kulda gáfumst við upp á öllu strunsinu úti og kíktum inn í Alexa Kaufhof. Ég held svei mér þá að ég fari að versla á næstu dögum..enda gengið í góðu skapi um þessar mundir. 

Mér finnst tíminn líða ansi hratt núna, frekar asnaleg tilfinning að það sé "bara" mánuður eftir! Ég er m.a.s. farin að skipuleggja dagana núna svo ég hafi tíma fyrir allt sem ég ætla að gera. Við Manon ræddum einmitt um það að skrifa lista svo ekkert gleymist. Svo er ég alltaf að bíða eftir góða veðrinu til að fara í dýragarðinn og í bátsferð á der Spree..en það lætur bíða eftir sér. Amma er yfirmáta glöð yfir að fá þriðju píuna á heimilið, hún dekrar við okkur sem aldrei fyrr. T.d. vorum við nýbúnar að borða kvöldmat áðan og þá kemur hún með köku handa okkur...eins og maður sé ekki nógu feitur fyrir! Btw. ég fékk Bratwurst og Sauerkraut í matinn í gær...hnjehnje voða gaman að láta alltaf vita hvað maður er að borða! En tíminn líður hratt og ég veit að fyrr en varir verð ég komin aftur heim í sveitina og ævintýrinu lokið :( Þá á ég eflaust eftir að fá Heimweh til Berlínar :( Ég er alveg viss um að hingað kem ég aftur fljótlega. Hópferð til Berlínar? Anyone? 

Jæja, nóg komið af bulli í dag. Verið dugleg að kommenta og láta í ykkur heyra, það gleður alltaf litla hjartað að vita að einhverjir hugsa til manns :)

Bis morgen,

Lára

P.S. Furðusjón dagsins: Stelpur í stuttbuxum í skítakuldanum sem var í dag..was ist mit Leute los? Hmm kannski voru þær bara íslenskar ;) Annars fer furðusjónum fækkandi, það er orðið erfitt að finna eitthvað til að setja hérna!

 

Athugasemdir

[Anna Harðardóttir (IP-tala skráð) 7.4.2008 kl. 22:14]

Hæ Lára mín.

Pottþétt að ég vil fá að vera með í Berlinarferðinni.  Leiðilegt hvað það er kalt hjá þér, hér var 5 stiga frost í nótt en fór svo í 10 stig í dag.

Gott að þú ert komin með "strunsfélaga" um Berlin skemmtið ykkur vel.

Kveðja frá öllum heima.

[Elín (IP-tala skráð) 8.4.2008 kl. 00:53]

ja, das glaubte ich. Hvurlags er þetta eiginlega, kuldastráið ég er ekki einu sinni með bláar hendur hérna á klakanum (kannski vegna þess að ég fer bara út til að setjast inn í bíl - eins og svo margir aðrir) eða jú annars a.m.k ef maður er það þvælast á nóttinni. Djöfull er fínt að hafa svona ömmu. Hvernig smakkaðist svo Bratwurst og Sauerkraut? Er Sauerkraut ekki eitthvað sem mér finnst vont? Sorry allar spurningarnar ég er bara svo spennt yfir þessu öllu saman.

Btw. þú skuldar mér pening (útlandanotkun gsm kemur á kortið mitt - þú hefur ekki pælt í að breyta því áður enn þú fórst út kjáninn þinn! Skiptir svo sem ekki máli.)

Knús frá stóru systur

[Inga (IP-tala skráð) 8.4.2008 kl. 14:25]

vá hvað tíminn er fljótur að líða!

Berlínarferð hljómar vel skoh!! Maður ætti nú bara að fara í interrail á næstunni ;)

Skemmtu þér áfrám litla dama =*

[Lára klára (IP-tala skráð) 8.4.2008 kl. 15:44]

Entschuldigung meine Schwester...ich habe das völlig vergessen! Ich überweise den Betrag sofort..wie viel? Hvað Bratwurst og Sauerkraut varðar þá held ég að þér myndi ekki líka það..mér fannst það auf jedenfalls ganz schrecklich!

[Gunnar Símon (IP-tala skráð) 8.4.2008 kl. 17:22]

Jæja ég sé að þú hefur fundið þér góða afsökun til að detta í það í mánuð í útlöndum