Du bist ein Arschloch!

Hallo...wie geht's?

Alls ekki viðburðaríkur dagur í dag, frekar afslappaður sem er nú allt í lagi inn á milli. Langur skóladagur, til 14:30 en lærdómsríkur eins og ávallt. Bættust m.a.s. 3 nemendur í hópinn..gaman að því þó þau stoppi nú stutt við, ekki nema viku. Í síðasta tímanum vorum við bara 4 svo það gerðist ekki mikið, nema að kennarinn (sem er áhugasöm um Ísland) bað mig um að segja aðeins frá Íslandi. Svo ég þurfti að halda eine kleine Rede über Island. Lýsti því náttúrulega eins og algjörri paradís norður í hafi. Já, eins og maðurinn sagði: "Distance makes the heart grow fond", svo sennilega þykir mér vænna um ykkur öll á meðan ég er hér. 

Dagarnir eru orðnir ansi hversdagslegir núna. Ég er búin að skoða flesta túristastaðina sem mig langar að sjá, þó að sjálfsögðu sé fjöldinn allur af stöðum eftir. Hér er sko enginn tæmandi listi af "activities". Þið afsakið sletturnar, ég man ekki nein orð lengur á neinu tungumáli. Tungumálin eru öll orðin að einhverju skrítnu samansulli í heilanum á mér svo útkoman verður bara bull. Ég á m.a.s. erfitt með að glósa ný orð í skólanum því þó ég viti nákvæmlega hvað þau þýða er íslenska orðið fokið út í veður og vind. Ég er því orðin ansi dugleg við að nýyrðamyndun, t.d. bjó ég til lýsingarorðið "kaupsýslinn" í gær. Það er mín þýðing á "geschäftstüchtig" sem þýðir að vera slunginn kaupsýslumaður. Gaman að þessu.

"Sambúðin" með Manon gengur ágætlega, við tiplum þó enn á tám í kringum hvora aðra svona á meðan við erum að kynnast. Hehe hún var með brjálæðislegar harðsperrur í dag eftir spazieren (spássera) gærdagsins. Við röltuðum nú bara um í ca. 2-3 klst. sem henni fannst ansi mikið en ég er orðin svo vanur strunsari að mér fannst þetta ágætt. Engar harðsperrur í morgun og "amma" hló ansi mikið að þessu. Sagði að ég væri svo "gut zum Fuß" (góð á fæti) að ég yrði að þjálfa Manon svo hún yrði ekki jafn illa haldin í nánustu framtíð.

Mjög skrítið.. en eins og ég sagði í gær finnst mér tíminn vera að hlaupa frá mér. Ég er farin að hugsa um alla hlutina sem ég mun sakna. Fékk snilldarhugmynd í dag, ætla að giftast Tyrkja, flytja hann með til Íslands og opna kebab-stað á Ingólfstorgi. Hann mun passa vel við hliðina á Hlölla. Hnjehnje! Svo er algjör nauðsyn að gera íslenska útgáfu af "Nur die Liebe zählt". Ég ætla ekki að útskýra út á hvað þessi þáttur gengur, þið fáið að velta því fyrir ykkur næsta mánuðinn...Elín giskaði á að þetta væri eitthvað í líkingu við "Sturm der Liebe" sem er ekki rétt. Þetta er ekki sápuópera og yfirhöfuð ekki leikið sjónvarpsefni! 

Nah gut, þetta er orðin ansi löng bloggfærsla um alls ekki neitt. 

Ich wünsche euch einen schönen Abend,

Lára

p.s. Furðusjón dagsins: Afleysingakennari dagsins. Hann var bara of furðulegur Þjóðverji...hehe og heitir Tobias í þokkabót...Tobias..Tópas? Ætli maður megi heita Tópas á Íslandi?

 

 

Athugasemdir

[Inga (IP-tala skráð) 8.4.2008 kl. 20:31]

hahaha..flott plan..nema hvað að kebabhúsið var akkúrat að opna á ingólfstorgi =P hehehe

p.s. þekki þetta með tungumálin. Gerðist hjá mér í 1 bekk í menntó þegar ég byrjaði að læra þýsku og dönsku á sama tíma..síðan þá hef ég verið alveg "Samansulluð í breininu"

[GUnnar (IP-tala skráð) 8.4.2008 kl. 22:52]

Lára það er ljót að gera grín að fólki   maður er hér á næturvakt, voða gaman. en allavega bestu kveðjur frá hótel klaustri

Áuf vídasen

Gunni P

[Elín (IP-tala skráð) 9.4.2008 kl. 10:19]

Lára, ég sný þig úr hálslið ef þú ferð að koma með eitthvað tyrkjakvikindi heim! Þá vil ég nú frekar þjóðverja!

Ekki er þetta einhver geðbilaður raunveruleika þáttur?

Gunnar, ekki reyna að telja fólki trú um að þú gerir aldrei grín að fólki - við vitum betur! 

[Bjarni Freyr (IP-tala skráð) 9.4.2008 kl. 14:25]

Hæhæ

Gaman að fylgjast með þér og gott að heyra að allt gegnur vel;)

Er samt alveg sammála systur þinni að þú ættir að láta þessa Tyrki eiga sig :) hehe..

Kveðja. Bjarni

[Lára (IP-tala skráð) 9.4.2008 kl. 16:32]

hehe seid ihr bitte ruhig! ég var nú bara að vera með smá Witz hérna ;)